Windows XP endi eng mashhur operatsion tizim emas

18.10.2011

Windows XP endi eng mashhur operatsion tizim emas

Microsoft korporatsiyasi tomonidan 2001-yilda ishlab chiqilgan Windows XP operatsion tizimi dunyodagi eng ko‘p ishlatiladigan operatsion tizim maqomidan ajraldi. Endi ushbu nomga uning zamonaviyroq versiyasi – Windows 7 sazovor bo‘ldi. “StatCounter” tadqiqot kompaniyasi tomonidan tuzilgan grafikka ko‘ra, XP jahon bozorida hozirda 38,66 foiz ulushga ega bo‘lsa, Windows 7 esa – 40,21 foiz.

Microsoft softver-gigantining yana bir operatsion tizimi – Windows Vista 2011-yilning yanvar oyida 15,1 foiz ulushga ega bo‘lgan bo‘lsa, oktabr oyiga kelib bu ko‘rsatkich 11,17 foizga teng bo‘lib qoldi.
O‘tgan to‘qqiz oy davomida Apple kompaniyasining Mac OS X operatsion tizimining bozordagi ulushi 1 foizga ko‘tarildi – 7,29 foiz. Aksincha, Linux operatsion tizimining ulushi esa atigi 0,82 foizni tashkil qilmoqda.

Manba: infoman.uz